Eurel

Proof of life 2020 👋

Lahat ay gustong makibalita pero ang karamihan ay magmamasid lang. May mga magsasabing nakikinig sila pero kulang naman sa pang unawa at simpatya. Bilang sa sampung daliri ang mga aakay at magbibigay suporta pero maaaring isa or dalawa lang ang kayang kumonpronta or sumabay sa agos ng nadarama.

Sa loob ng tahanan may ina, ama at anak. Sa loob ng kommunidad ay may mga pamilya, kaanak, kaibigan at kapitbahay. Sa loob ng isang bansa ay may mga mamamayan, malalaking institusyon, ibat ibang komunidad, grupo, at establisimiento at mga liderato. Pero lahat ng ito ay wala kung hindi dahil partisipasyon mo bilang tao.

Sa nagdaang apat na taon marami sa atin ang pumili sa katahimikan. Katahimikan na sa mga nagdaang buwan ay nagbunga ng mabigat na pasanin. Watak watak. Kaguluhan. Katanungan. Muhi at hinagpis. Itong nakaraang linggo, minarkahan ang kalayaan mo bilang isang indibidwal na may adhikaing ipaglaban ang karapatan. Kahapon, isinampal sayo na wala ka ng boses sa oras na itinakda ng mga nasa taas na sila lang ang kayang humusga sa kung ano ang tama.

Pananahimik parin ba ang kaya mong isagot kung nilalapastangan na ang iyong pagkatao. Marahil sa mga araw na to hnd ka pa apektado, pero paano ang bukas? Saan mo hahanapin yung araw na pinipili lang nito kung sino ang dapat nitong silawan/ sikatan.

Marahil naiinis ka dahil sa political affiliations na meron ako. Pero kung ito nalang ang tanging paraan para mapabatid ko sayo na kailangan kita para sa magandang kinabukasan na pareho natin inaasam. Bakit ko pipiliin na talikuran ka?

Marahil ang tama sa akin ay taliwas sayo. Hindi pareho ang rurok ng ating dunong pero kung sino man ay may pagkukulang, at binigyan ng pangaral huwag mo tatalikuran. Kausapin mo. Nasaan ka? Ikaw ang tanging kailangan ko. Ang kailangan ko ay iyong sandigan, ang iyong partisipasyon sa pakikipagkapwa Pilipino.

Malayo pa tayo sa hangganan ng laban pero sana bukas ang pintuan mo para makibahagi.

WE RESIST

DEFEND PRESS FREEDOM

MASS TESTING NOW

OUSTRUDE-RIGO